Иммунолог чәчәк авыруыннан вакцинация кемгә кирәк булачагын аңлатты
Медицина фәннәре кандидаты, иммунолог Николай Крючков Sputnik радиосына биргән интервьюсында маймыл чәчәк авыруы тиздән Россиягә килеп җитәргә, аны кайдан да булса ияртеп кайтырга мөмкин булуны әйтте һәм бу уңайдан кемнәргә вакцинация кирәк булачагын фаразлады.
Тикшеренүче сүзләренә караганда, Россия территориясенә маймыл чәчәк авыруын алып керү мөмкин түгел дип әйтеп булмый.
«Төгәл срокларны фаразлау кыен, ләкин Россиягә маймыл чәчәк авыруы якындагы өч-алты ай тирәсендә килеп керергә мөмкин», - дип искәртте Крючков.
Гади чәчәк авыруыннан вакцинацияне иммунолог аерым категория гражданнар өчен кирәкле дип саный.
«Бу, мәсәлән, һөнәри эшчәнлек нәтиҗәсендә әлеге инфекция йоктырып авыручылар белән очрашырга мөмкин булган кешеләр: медицина хезмәткәрләре, чик буе контроле, шулай ук ашыгыч хезмәтләр хезмәткәрләре», — дип аңлатты эксперт.
Чыганак: татар-информ
Следите за самым важным и интересным в Telegram-каналеТатмедиа
Нет комментариев