Тәмле сырлы аш рецепты

Кирәк булачак:
- Су – 3 л
- Суган – 1 шт
- Фарш – 400-500 гр
- Сыр (йомшак) – 2шт
- Шампиньон гөмбәсе – 200 гр
- Үсемлек мае – кыздыру өчен
- Тоз – 0,5 аш кашыгы.
Суганны турыйбыз да, үсемлек маенда кыздырып алабыз. Шулай ук фарш һәм гөмбәне дә кыздырабыз. Кайнап торган суга барлык ингредиентларны салабыз. Азрак кайнап чыккач, өлешләп сырны өстибез. Тагын бер 5-10 минут тирәсе пешерәбез. Классик рецепт буенча, аш бәрәңгесез пешерелә. Ләкин бәрәңге белән дә пешерергә мөмкин. Табынга яшел үләннәр белән бизәп бирәбез.
Ашларыгыз тәмле булсын!

Фото: фрипик,ру