Өйдә әзерләнә торган йомшак сыр

Составы гади, ә нәтиҗәсе — йомшак, хуш исле сыр!

Кирәк була:
Эремчек — 400 г (өйдә ясалганы тагын да яхшырак)
Атланмай — 50 г 
Йомырка — 1 данә
Аш содасы — 1 чәй кашыгы
Тоз, тәмләткечләр — зәвыгыгызча

Ничек әзерләргә?
Эремчекне иләк аша сөртегез — сыр йомшаграк булачак. (Иттарткыч та ярый.)
Эремчеккә йомырка, атланмай, сода, тоз өстәгез.
Савытны акрын утка куеп, массаны бербөтен хәлгә килгәнче өзлексез болгатыгыз
Тәмләткечләр кушыгыз. Сыр сарырак булсын дисәгез — куркума ярдәм итәр
Масса эреп, вак шарчыклар күренә башлагач, уттан алыгыз.

Озак тотмагыз — югыйсә сырдан су аерылып чыгып, брынзага охшап калачак. Әзер массаны савытка салып, суытыгыз — һәм тәмләп ашагыз!

P.S. Яхшы сыр килеп чыксын өчен сыйфатлы эремчек кирәк.
Арзан, майсыз эремчек кулланырга киңәш ителми.

Фото: татар-информ