Кетчуп рецепты

3 кг помидор, 1,5 кг алма, 4-5 данә суган, 200 гр шикәр комы, 50 гр 9 процентлы аш серкәсе, 1 аш кашыгы тоз, 1 чәй кашыгы төелгән кара борыч, 0,5 чәй кашыгы төелгән канәфер, 0,5 чәй кашыгы дарчин (корица).

Эш тәртибе:

Барлык яшелчәләрне турап, иттарткыч аркылы үткәрәбез дә, 2 сәгать пешерәбез.

Пешкәннән соң, иләк аша үткәрәбез. Шикәр комы, тоз, борычлар, дарчин, канәфер салып, тагын 30 минут кайнатабыз (помидорыгыз сусыл булса, озаграк кайнатырга кирәк)

Ахырдан аш серкәсе салып болгатабыз да, парланган банкаларга тутырып куябыз.

Фото: pixabay.com

Чыганак