Ял көннәре якыннарыгызны чәк-чәк белән сыйлагыз

Камыр өчен өч йомырка, 2-3 калак сөт, бер  чәй калагы кунбагыш мае һәм калак очында гына чәй содасы. Кулга ябышмаслык итеп камыр басабыз, аны юка итеп җәябез. Токмач кискән кебек үк тасмалар ясап, токмач кебек кисәбез. Кызган майга салып пешереп алабыз. Болгатып торырга кирәк, тиз пешә. Алып маен саркытабыз һәм бал кушылган сироп белән болгатабыз.

Чәк-чәкләрне тәлинкәгә өябез. Кулга ябышмасын өчен кулларны суга тыгып алырга кирәк. Чикләвекләр, җиләк- җимешләр белән бизәргә мөмкин. Тиз һәм тәмле.