Форель белән оливье салаты

Кирәк: аз гына тозланган 100 гр форель балыгы, 2 бәрәңге, 1 кишер, 1-2 тозлы кыяр, 2 аш кашыгы консервланган борчак, 1 кызыл суган, 2 аш кашыгы майонез.

Яшелчәләрне алдан пешерергә кирәк. Бәрәңгенең аз крахмаллысын сайлагыз һәм озак пешермәгез. Ул туралганнан соң боламыкка әйләнмәсен.

Кыяр, кишерне дә шакмаклап турарга.
Суганны шулай ук вак итеп турап, яшелчәләрнең барысын бергә кушарга.

Балык башка ризыклардан бераз эрерәк итеп турала.
Салатны өстәлгә бирелер алдыннан гына майонез салып болгатырга.