Эремчекле-күрәгәле пирог рецепты

Камыр өчен 170 грамм атланмай, 0,5 стакан шикәр комы, 2 аш кашыгы каймак, 2 йомырка, 1 кап көпшәкләндергеч, 400 грамм он кирәк була.

Ике эчлек әзерләргә – беренчесе өчен 400 грамм эремчек, 2 йомырка, шикәр комы, ванилинны яхшылап болгатырга, ә икенчесе иттарткычтан чыгарылган күрәгәгә шикәр комы, әстерхан чикләвеген ваклап салырга.

Табаны майларга, камырны юка итеп җәяргә, беренче кат итеп күрәгә эчлеген салырга, аннары – эремчек эчлеге. Пирог өстенә, юка итеп кисеп, киви һәм әфлисун куярга була.

180 градуска кадәр кызган духовкада 20 минут пешерергә.

Чыганак

Фото: татар-информ