Баулы хуҗабикәләренә кайнатма рецепты
Җиләк җыяр чак җитте. Елдагыча хуҗабикәләр төрле ысуллар белән җиләктән кайнатмалар, компотлар һәм башка төрле ризыклар әзерли башлагандыр. Без дә сезгә уңайлы гына кайнатма рецептын тәкъдим итәбез.
Кайнатма өчен 1 килограмм җиләк, 600 грамм шикәр комы кирәк. Шикәрне теләгән кадәр дә салырга була, тик 1 кг җиләккә 700 грамм- 1 кг шикәр комы да җитә.
Җиләкләрне чистартырга һәм юарга, өстенә шикәр комы салырга, каплап берничә сәгать тотарга.
Җиләкләрнең согы чыккач кайнатып чыгарырга, кайнап чыккач та өстеннән күбекне жыеп алырга һәм сүндереп, 5-6 сәгать суынганын көтәргә. Тагын ике тапкыр шулай ук эшләргә кирәк, ягъни кайнатып чыгарабыз, күбеген жыябыз, 5-6 сәгать суытабыз. Мондый кайнатма бик тәмле, куе желе кебек була.
Әлеге ысул белән бакча җиләген, кура җиләген дә, урман җиләген дә кайнатырга мөмкин.
Автор фотосурәте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев