Баулылар озак йоклыймы?

Сау-сәламәт булганда йокы тәмле була. Белгечләр әйтүенчә, кеше якынча тәүлегенә сигез сәгать йокларга тиеш.

Йокыны да төрлечә итеп атап йөртәбез: тиз генә йоклап алу – черем итү, озак итеп йоклау, арып яки йокы килеп йөрү – йокымсырау, сабый йокысы һәм башкалар...

– Сигез сәгать йокы җитә миңа. Көн саен бер үк вакытта ятарга өйрәнергә кирәк, – ди баулылы Гөлнара Нәбиуллина. – Йокы сыйфаты күңел халәтеннән дә тора дип уйлыйм.

– Мин төнлә еш уянам. Никтер элеккеге кебек тыныч, рәхәт итеп йоклый алмыйм, – ди Гөлшат Шәрипова.

– Арысам яки борчылсам бөтенләй йоклый алмыйм, – ди Айназ Зарипова. – Гомер буе төнге сменалы эштә эшләдем, озак итеп йокламыйм, күбрәк хәрәкәттә мин. Нык озак йоклаган кешегә аптырыйм.   

Фото: татар-информ