Табиб коронавирусны җәйге вируслардан аерырга өйрәтте
Россиянең көньяк төбәкләреннән кайтучы туристлар өйләренә төрле вируслар, шул исәптән коронавирус та алып кайта ала, дип кисәтте табиб-инфекционист, вакцинолог Евгений Тимаков. Sputnik радиосына биргән интервьюсында ул гадәти инфекцияне COVID-19дан ничек аерырга кирәклеге турында сөйләде.Бу хакта РИА Новости яза.
«Җәй көне көньяктан төрле авырулар кайта. Бу – энтеровирус, ротавирус, норовирус. Әгәр эчәк авыруы симптомнарына ютәл, төчкерү, тамак авыруы да өстәлә икән, бу коронавирусның омикрон штаммы булырга мөмкин. Бу очракта ПЦР–тест тапшырырга кирәк», – диде инфекционист.
«ПЦР–тест коронавирус авыруын ачыкларга ярдәм итәчәк. Анализны оператив рәвештә ясарга кирәк. Бу табибларга авыруны ничек дәваларга һәм авыру белән контактка кергән кешеләрне ничек дәваларга кирәклеген күрсәтәчәк», – дип аңлатты Евгений Тимаков Sputnik радиосына биргән интервьюсында.
Фото: татар-информ
Чыганак: интертат
Следите за самым важным и интересным в Telegram-каналеТатмедиа
Нет комментариев