Баулы муниципаль районында VI чакырылыш Татарстан Дәүләт Советына депутатлар сайлауга нәтиҗә ясалды. Тавышларны санаганнан соң, “Бердәм Россия” партиясе җиңүе билгеле булды. Ул сайлаучыларның 75,42 процент тавышын җыйган.
Икенче урында КПРФ – 13,02 процент, өченчедә – ЛДПР (3,71 процент).
“Социаль гаделлек өчен Россия пенсионерлары партиясе” – 2,53 процент, “Россия коммунистлары” – 2,31 процент, “Гадел Россия” – 1,93 процент, ә “Үсеш партиясе” 1,09 процент тавыш җыйган.
Сайлауларда барлыгы 26849 райондашыбыз катнашкан, сайлаучыларның 83,97 проценты участокларга килгән . Район авылларында уртача күрсәткеч шәһәрнекеннән югарырак – 94,3 процент (Баулы шәһәрендә-77,9 процент).
33нче бер мандатлы Көньяк-Көнчыгыш сайлау округы буенча иң күп тавышны “Бердәм Россия” партиясеннән тәкъдим ителгән Ирек Салихов җыйды – 72,4 процент. Икенче урында – КПРФ кандидаты Азат Садыйков (14 процент), үзен-үзе кандидат итеп тәкъдим иткән Римма Мөхәммәтшина 13,5 процент тавыш җыйган.
Республика үзәк сайлау комиссиясе мәгълүматы буенча, “Бердәм Россия” партиясенә – 72,43 процент, КПРФ өчен – 10,74 процент, “Гадел Россия”гә – 3,96 процент, ЛДПР өчен – 3,79 процент, “Россия коммунистлары”на – 3,65 процент, “Пенсионерлар партиясе”нә – 2,47 процент, “Үсеш партиясе”нә 1,82 проценты кеше тавыш биргән.
Нет комментариев