Татарстанда март нәтиҗәләре буенча инфляция 9 процент тәшкил иткән

Ведомство материалларыннан күренгәнчә, республикада азык-төлек бәяләре бер ай эчендә 7,2 процентка арткан. Беренче квартал нәтиҗәләре буенча, аларның бәясе 10,4 процентка күтәрелгән.

Узган айда азык-төлек булмаган товарлар – 12,1, ел башыннан бирле 13,4 процентка кыйммәтләнгән.

Татарстанда март аенда хезмәт күрсәтү бәясе – 6,5, ел башыннан алып 8,2 процентка арткан.

Элегрәк РФ Хисап палатасы башлыгы Алексей Кудрин 2022 ел нәтиҗәләре буенча инфляция 17-20 процентка җитәчәк дип фаразлаган иде.