Татарстанда битлек режимын гамәлдән чыгару әлеге чикләү чарасын Россия Федерациясе дәрәҗәсендә бетергәннән соң мөмкин булачак. Роспотребнадзорның Татарстан буенча идарәсе җитәкчесе урынбасары Любовь Авдонина бу хакта «Татар-информ» да узган матбугат конференциясендә сөйләде.
«Битлек режимы Россия Федерациясенең баш санитар табибының 31 нче номерлы карары белән беркетелгән, ул Россия Федерациясе территориясендә гамәлдә», – дип аңлатты ул.
Эпидемиологик режимны бетерү яки йомшарту федераль дәрәҗәдә генә эшләнергә мөмкин.
Любовь Авдонина сүзләренчә, халык битлекләр турында онытырга тиеш түгел. Әлегә тынычланыр өчен вакыт җитмәде, ә режим үтәлешен тикшерү эше һаман да дәвам итә.
Фото: /pixabay.com
Чыганак: татар-информ
Нет комментариев