Баулы районында янгын булган
Җәмгыять

Баулы районында янгын булган

Бүген төнлә Васькино-Туйралы авылында сарай янган.

Иртән 4 сәгать 5 минутта 109нчы янгын сүндерү частеның коткару хезмәте пультена Васькино-Туйралы авылында янгын чыгуы турында хәбәр кергән.

Госпожнадзорның өлкән дознавателе Илдар Мохтасаров “Баулы-информ” редакциясенә хәбәр иткәнчә, Васькино-Туйралы авылының Молодежная урамында шәхси хуҗалыкта янгын булган. Янгын нәтиҗәсендә 64 квадрат метр мәйданлы сарай янган, 6 тавык һәм 5 павлин һәлак булган.

Ут чыгу сәбәбе – көнкүреш электр приборларын кулланганда янгын куркынычсызлыгы кагыйдәләрен бозу.

Фото: Илдар Мохтасаров


Нет комментариев