2022 елда Россиядә ипотека ставкалары арта

2022 елда Россиядә ипотека буенча ставкалар артырга мөмкин.

«РФ Дом» торак өлкәсендә үсеш институты башлыгы Виталий Мутко «РБК»га биргән интервьюсында сөйләгәнчә, үсеш Үзәк банкның төп ставканы бер процент пунктка, 8,5 процентка кадәр арттыру сәбәпле булырга мөмкин.

«Төп ставканы арттырганнан соң, ипотека ставкалары күтәрелде. Бүген алар якынча 9,2 процент тәшкил итә. Киләсе елда ставкалар 10-10,2 процентка кадәр артырга мөмкин. Икенчел базарда, кагыйдә буларак, 0,25-0,5 процент пунктка югарырак», — дип аңлатты Мутко.

Фото: pixabay.com/

Чыганак:  https://tatar-inform.tatar/news/business/21-12-2021/2022-elda-rossiyad-ipoteka-stavkalary-arta-5845624