Помидор тизрәк кызарсын өчен

Эх, кибетләрдән сатып алганчы, үзебезнең бакчада үскәнен ашыйсы килә бит! Быелгы җәйдән кояш нурларын сорап кына алабыз. Шуңа да помидорларны кызарту бик авыр. Ә сез белә идегезме, тоз помидорны тизрәк кызарта, балландыра, корткычлардан сакларга булыша.

1 чиләк бүлмә температурасындагы суга 1 аш кашыгы тоз һәм 1 стакан агач көле кушарга, 1 сәгать төнәтергә һәм һәр төпкә 0,5әр литр сибәргә була.

Тозлы су чөгендерне дә балландыра. Туфракта натрий җитмәгәндә, чөгендернең яфраклары кызара. Бу очракта 10 литр суга 1 стакан аш тозы салып эретәләр һәм җиргә сибәләр.

Фото: татар-информ

Чыганак