Якташыбыз иҗаты

Бер җылы сүз

Җан ачысы белән йөрәк әрнегәндә,

Күңел тула, күзгә яшь килми.

Горурлыкмы, әллә сабырлыкмы,

Күз яшьләре өчен юл бирми?

Нахак сүзләр, хаксыз кимсетүләр

Җәрәхәтли, тырный бәгырьне.

Шул чагында якын бер кешеңнең

Җылы сүзе була кадерле.

Каты бәгырьлеләр исәпләшми,

Хаксызлыктан җанның көйгәнен.

Дуамаллак “атын” эшкә җигеп,

Үз иркенә куя йөгәнен.

Бәргәләнә күңел үз алдына,

Гаделлекләр аста калганга.

Бер җылы сүз кирәк юатырга

Хаксызлыктан йөрәк янганда.

Җан ачысы белән йөрәк әрнегәндә,

Бер җылы сүз ача күңелне,

Җиңеләйтә җилкәңдәге йөкне

Сикәлтәле гомер юлыңны.

К.Шәмсуаров

Фото: yandex.ru