Укучыларыбыз иҗаты

Хәтеремнең иң түрендә

Әниемнең яп-яшь чагы.

Пар чиләкле көянтәсен

Иңнәренә салган тагы.

Кайтуына балалары

Төрле яклап сырып алган.

Әткәй шушы күренешкә

Сокланудан тынып калган...

Итәк тулы бала-чага!

Дөнья яме, тормыш тәме.

Гомерләрнең чәчәк аткан

Мәнге үтмәс гамьсез мәле...

... Әткәй дә юк инде күптән,

Әнкәй дә 80гә җиткән.

Хәтердәге шушы мизгел

Һич кенә дә чыкмый истән...

Фото: pixabay.com