Татарстанда үзмәшгульләргә киләчәк пенсияләренә стажны кертү юллары турында сөйләделәр
Иминият пенсиясен алырга планлаштырган Татарстан халкы кимендә 15 ел стаж һәм 30 пенсия баллы тупларга тиеш.
Әмма үзмәшгуль граждан буларак эшләү чорлары иминият стажына автоматик рәвештә кертелми, чөнки бу категория гражданнар мәҗбүри пенсия иминиятенә взнослар түләргә мәҗбүр түгел.
«Татар-информ» хәбәр иткәнчә, пенсия хокукларын формалаштыру өчен үзмәшгульләр Россия Социаль фондына иминият взносларын ирекле рәвештә күчерә алалар. Бу исә бу чорларны стажга кертү һәм пенсия балларын исәпләү мөмкинлеген бирәчәк. Ирекле пенсия иминиятләштерү программасына «Минем салым» мобиль кушымтасы аша тоташырга мөмкин.
Мондый взносларны түләмичә, үзмәшгуль статусындагы эшчәнлек вакыты киләчәк пенсия күләменә йогынты ясамаячак. Бу очракта граждан, башка эшләү чорлары булмаганда, билгеләнгән яшькә җиткәч, бары тик социаль пенсиягә генә өмет итә ала.
Элегрәк НТР 24 хәбәр иткәнчә, Татарстанда хәрби хәрәкәтләрдән кайткан 70% ветеран эшли.
Фото: татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев