Тәгәрмәч алыштырыр чак җитте
Дәүләт автоинспекциясе җәйге тәгәрмәчләрне кышкыларга алыштырырга киңәш итә. Экспертлар фикеренчә, бу эшне билгеле бер температура урнашкач һәм даими суыклар башлангач башкарырга кирәк.
Машина тәгәрмәчләрен алыштыру өчен иң кулай вакыт – ноябрь башы. Белгечләр шуны билгеләп үтә: температураның тәэсире аркасында тәгәрмәчләрне алыштыру мөһим, чөнки җәйге резина катыланып, эластиклыгын югалта, бу тормоз юлын арттыра. Хәтта чиста асфальт та суыклардан соң тайгак булырга мөмкин.
– Дәүләт автоинспекциясе температура Цельсий буенча 5 градустан түбән төшкәч яки бозлавык алдыннан машина тәгәрмәчләрен кышкыларга алыштырырга киңәш итә. Бу эшне вакытында эшләү машина йөртүчеләргә начар һава шартларында автомобиль белән ышанычлы идарә итәргә мөмкинлек бирә, ә бу исә юл-транспорт һәлакәтләре куркынычын киметүгә ярдәм итә, – дип билгеләп үтте Баулы Дәүләт автоинспекциясе җитәкчесе Илдар Мансуров.
Фото: татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев