Сыерга ничә яшь булуын ничек белеп була?
Сыерның яшен мөгезенә карап беләләр. 18 айга кадәр яшен санау өчен мөгез озынлыгын үлчиләр. Бозауның мөгезе гомеренең беренче ай азагында төртеп чыга һәм ай саен 1 сантиметрга озыная. Мөгезне үлчиләр һәм нәтиҗәгә 1не кушалар. Мәсәлән, 5 сантиметр мөгезе булган бозау алты айлык дип исәпләнә.
Сыерның яшен мөгезендәге боҗралар күрсәтә. Алар агач кәүсәсендәге боҗраларны хәтерләтә, тик тышкы якка гына чыга. Монда барысы да гади: боҗра ничәү булса, сыер шулкадәр бозаулаган. Хәзер нәтиҗәгә 2не кушарга кирәк (бу бозаулаганчы узган вакыт).
Кысыр калган еллар да мөгездә чагылыш таба — боҗралар арасында киңрәк ара ясала.
Фото Шедеврум нейрочелтәре тарафыннан барлыкка китерелгән
Нет комментариев