Су коенганда сак булу зарур

Фильмнарда, еш кына, батып баручы кешеләрнең ярдәмгә чакырып кычкыруларын һәм кулларын болгауларын күрсәтәләр. Әмма чынбарлыкта барысы да башкача. Бала суда бата башласа, кычкырмый һәм ярдәмгә чакырмый. Аның бөтен көче тын алырга һәм судан чыгарга юнәлә.

Россия гадәттән тыш хәлләр министрлыгының Татарстан Республикасы буенча Баш идарәсе түбәндәгеләрне кисәтә: балаларны су янында караучысыз калдырмагыз; балагызның кайда булуын һәрвакыт күзәтеп торыгыз һәм аның ялын оештырыгыз; “Коену тыела” дигән тыю билгеләрен игътибарсыз калдырмагыз; җиһазландырылган пляжларда гына коеныгыз.