Баулы үзәк район хастаханәсендә капиталь ремонт башланды

Ремонттан соң нәрсә үзгәрәчәк? Хатын-кызлар консультациясендә булачак әниләр үзләрен тыныч һәм  ышанычлы итеп хис итсен өчен монда якты, иркен һәм уңайлы булачак. Поликлиниканың физик терапия бүлеге аерым керү һәм пациентларны реабилитацияләү өчен кирәкле шартлар алачак. Шулай ук аерым амбулатор-диагностик бүлекчә барлыкка киләчәк, анда тикшерүләр җиңелрәк һәм тизрәк узачак, барысы да бер урында тупланачак.

Эшләрне 2026 елның 3 нче кварталында тәмамлау планлаштырыла.

1 һәм 2 нче терапия бүлекләре стационарның төп бинасының 2 нче катына күчерелде, килүчеләр өчен керү урыны - кабул итү бүлеге аша. Бу кабул итү бүлеге, реанимация, рентген һәм УЗИ-кабинетлар урнашкан бина, шулай ук авыруларны йөртү өчен лифт та бар. Шул рәвешле пациентларга сыйфатлы медицина ярдәме күрсәтү өчен барлык кирәкле шартлар тудырыла.

Баулы үзәк район хастаханәсе администрациясе ремонтның вакытлыча уңайсызлыклар тудыруын аңлый: кайдадыр тавышлы, кайдадыр бераз авырлыклар белән бу башлаган эшне тәмамларга туры киләчәк. Бигрәк тә төзелеш мәйданчыгы янында урнашкан педиатрия бүлегенең кечкенә пациентларының әти-әниләреннән аңлау сорала.

Бу ремонт район халкы якты һәм уңайлы шартларда медицина ярдәме алу өчен эшләнә.

Фото: «Баулы-информ» архивы