Баулы аграр көллиятендә эшлекле киңәшмә узды

Очрашуның төп максаты – квалификацияле белгечләр әзерләү өчен мәгариф системасы белән икътисадның реаль секторы арасындагы хезмәттәшлекне ныгыту иде.

Чара барышында көллиятне җиһазландыру һәм дуаль укытуны (укуны практика белән берләштерү) кертү кебек мәсьәләләр тикшерелде.

Эшлекле киңәшмәне Баулы аграр көллияте директоры Гүзәл Миннияр кызы Гыйләҗева җитәкләде. Чарада катнашучылар студентларның һөнәрләр үзләштерү маршруты буенча үттеләр. Болар – "Эретеп ябыштыру эше", "КИПиА", "Пешекче, кондитер" цехлары һәм остаханәләре, тегү цехы.

Очрашу түгәрәк өстәл артында йомгак ясау белән тәмамланды, анда яклар хезмәттәшлек турында турыдан-туры килешүләр төзергә, эш бирүчеләрдән фикерләр системасы булдырырга, студентлар өчен практиканы оештыруны яхшыртырга һәм кадрларга ихтыяҗ турында даими мәгълүмат алмашырга карар иттеләр.

Фото: Баулы аграр көллияте архивыннан