2026 елда Татарстанда кемнәр картлык буенча социаль пенсиягә чыга ала?

Татарстанлыларга картлык буенча ике төр пенсия мөмкин: иминиятләштерү һәм социаль. Иминиятләштерү пенсиясен алу өчен хәзерге кагыйдәләр буенча 15 ел эш стажы, шулай ук 30 пенсия баллы (ИПК) булырга тиеш. Стажы яки баллары җитмәгән республика кешеләре социаль пенсия алучылар була.

2026 елда картлык буенча социаль пенсиягә 1957 елгы ир-атлар һәм 1962 елгы хатын-кызлар чыга алачак. Шул ук вакытта, кеше үз теләге белән социаль пенсиягә чыгудан баш тартып, иминиятләштерү пенсиясенә (ул социаль пенсиядән күбрәк) дәгъва кылу өчен өстәмә стаж һәм пенсия баллары туплау өчен эшен дәвам итәргә хокуклы.

Киләсе елда социаль пенсиянең минималь күләме 9424,1 сум тәшкил итәчәк. Әмма бу пенсионер ала торган бердәнбер түләү булса, ул яшәү минимумына кадәр социаль өстәмә акча алачак, ул ТРда 2026 елда 16 098 сумга тигез булачак.

Фото: татар-информ