Баулы районы авылында үзйөрешле машиналарга техник күзәтү уздырылды
Покров Урыстамак авылында һәм «Миңнуллин Г.С.» КФХ базасында үзйөрешле машиналарны һәм прицепларны ел саен уздырыла торган планлы техник торышын карап чыктылар. Чараны, расланган график буенча, Дәүләт техника күзәтчелегенең дәүләт инженер-инспекторы Руслан Мөхәммәтҗанов үткәрде.
Тикшерү барышында түбәндәге аспектларга аерым игътибар бирелде: тракторчы-машинист таныклыкларында рөхсәт ителә торган тамгалар булу; үзйөрешле машиналарның барлык узелларының техник яктан төзеклеге; транспорт чараларының аптечкалар һәм янгын сүндерү җайланмалары белән комплектланган булуы.
Техник өлештән тыш, милекчеләр белән профилактик әңгәмә дә үткәрелде. Горстехнадзор инспекторы куркынычсыз эксплуатацияләү кагыйдәләре, янгын куркынычсызлыгы чаралары һәм юл-транспорт һәлакәтләрен булдырмау өчен юл йөрү кагыйдәләрен төгәл үтәү кирәклеге турында искәртте. Шулай ук авыл хуҗалыгы хезмәткәрләренә дәүләт хезмәтләрен «Госуслуги» порталы аша электрон рәвештә алу мөмкинлеге турында да искәрттеләр.
Фото: Руслан Мөхәммәтҗанов
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев