Татарстан Сәламәтлек саклау министрлыгы яңа үзгәрешләр турында белдерде

«Татар-информ» хәбәр иткәнчә, Татарстанның электрон табибка язылудагы уңышлары югары: республика Россиянең уңышлы 10 төбәгенең берсе. Үткән елда 3 миллионга якын татарстанлы электрон медицина хезмәтләре белән файдаланган. Порталдагы барлык мөрәҗәгатьнең 70%-тан артыгы медицинага караган.

Кулланучыларның уңайлылыгы өчен төрле яңалыклар китерелде:

• Электрон документларны карау һәм йөкләү буенча, шул исәптән балалар документлары өчен дә, махсус мәгълүмати бит эшләнде;
• Медицина документларының электрон имзасын тикшерү мөмкинлегебарлыкка килде;
• Эзләүне җиңеләйтү өчен документлар классификаторы яңартылды;
• Файдалана торган документлар исемлеге тулыландырылды – монда туу турындагы электрон таныклык та керде;
• Яңа килгән документлар хакындагы хәбәрләр хәзер Max мессенджерында автомат рәвештә күрсәтелеп тора.