Салкын тиюдән дөрес сакланыгыз!

Сарымсакның вируслар белән көрәшүче булуын яхшы беләсез, әлбәттә. Әгәр аны ашарга яратмасагыз, турап, йоклаганда караватыгыз янына куегыз яисә, кайнап чыккан суга салып, ингаляция эшләгез.

Эштән кайткач та борынны тозлы су белән юарга кирәк. Ә урамга чыкканда оксолин мазе яисә эвкалипт мае сөртү яхшы булыр.

Чәегезгә иртән ун тамчы элеутерококк тамызыгыз. Лимонны күбрәк кулланыгыз, ә менә авырулар чорында сөт ризыкларын һәм татлы камыр әйберләрен сирәгрәк ашасагыз да була.

Иң мөһиме – аякларыгызны һәрвакыт җылыда һәм корыда тотыгыз. Моның өчен сезгә борычлы пластырь ярдәм итәр.

Чыганак

Фото: freepik.com