Өлкәннәргә туңдырма файдага түгел

Өлкән яшьтәге кешеләргә, эссе һава торышына карамастан, туңдырма ашарга ярамый. Бу десерт хәтерне начарайтырга һәм йөрәк-кан тамырлары авыруларын китереп чыгарырга мөмкин. Бу хакта табиб-гастроэнтеролог Антонина Машарова белдерә.

— Салкын ризыклар организмда начаррак үзләштерелә, чөнки алар ашкайнату системасын икеләтә һәм өчләтә көч белән эшләргә мәҗбүр итә, бу өлкән яшьтә теләсә нинди гастроэнтерологик патологиянең кискенләшүенә китерә, — дип аңлата табиб.

Табиб сүзләренчә, 60 яшьтән өлкәнрәк кешеләргә, ашказан-эчәк тракты белән проблемалары булса, туңдырма ашарга ярамый. Бу ризыкта йөрәк эшчәнлеген начарлатучы һәм кан тамырларында атеросклеротик төерләр барлыкка килүгә сәбәпче булучы майлар бар. Өстәвенә, туңдырманы еш кына үсемлек майлары, шул исәптән пальма мае нигезендә ясыйлар.

Бу татлы ризыкта шикәр күп, ә аны куллану өлкәннәрнең хәтерен начарлата, дип кисәтә гастроэнтеролог.

Бит тиресе белән проблемалар булганда туңдырмадан, шулай ук, баш тартырга кирәк, ди табиблар.

Чыганак

Фото: татар-информ