Күзләргә ярдәм кирәк

Күрәгәнең сәламәтлек өчен шифасы бихисап. Баксаң, ул күзләребезнең яхшы күрүе өчен дә җаваплы икән. Бу максатта аны түбәндәгечә кулланырга киңәш ителә.

100 грамм күрәгәгә өсте капланырлык итеп кенә яңа кайнап чыккан су салабыз да 1 сәгать дәвамында төнәтәбез. Шуннан, күрәгәне ваклап турап, аңа вак итеп уылган кишер һәм 1 аш кашыгы шикәр комы салып, яхшылап болгатабыз. Бу – бер көнлек порция.

Әлеге катнашманы елына ике тапкыр, берәр ай дәвамында ашарга киңәш ителә.

Чыганак: kiziltan.ru

Фото:  татар-информ