Гемоглобинны күтәрү өчен ысул

 Бер үк күләмдә яңа сыгылган кара торма, кишер, кызыл чөгендер, гранат соклары алып, барысын бергә болгатыгыз. Банкага бушатып, өстен каплап, 3 сәгать җылы духовкада төнәтегез дә, суынгач, сөзегез. Сыеклыкны өсте ябылган савытта суыткычка куеп сакларга кирәк. Аны 2–3 ай дәвамында көнгә 3 мәртәбә ашарга ярты сәгать кала 2–3 аш кашыгы эчәләр.

Мондый төнәтмә дә әзерли аласыз: 1әр аш кашыгы вакланган миләш һәм гөлҗимешкә ике стакан кайнар су агызалар. Шуны сүрән утта 5 минут кайнаталар. Савытны калын сөлге белән төреп, бер тәүлек тоткач, сөзәләр. Аз гына бал салырга була. Төнәтмәне көнгә 3-4 мәртәбә ашар алдыннан яртышар стакан эчәләр.

Өчәр йөз грамм күрәгә, йөзем, караҗимеш, инҗирне, кабыклы ике лимонны (төшләрен алырга) иттарткыч аша чыгаралар да, тәменә карап, бал салалар һәм барысын бергә яхшылап болгаталар. Катнашманы пыяла банкада суыткычта саклыйлар. Көнгә 3-4 тапкыр 1әр аш кашыгы эчәләр.

250 грамм башлы суганны ваклап турап, шуңа 200 грамм шикәр комы, ярты литр су салып, сүрән утта 2 сәгать тоталар, шуңа 2 аш кашыгы бал салып болгаталар. 1 ай дәвамында көнгә 2 тапкыр ашаганнан соң 1 аш кашыгы эчәләр.

Чыганак

Фото: татар-информ