Баулылар гриппка каршы прививка ясата ала

Гриппка каршы прививка ясату “хәвеф төркеме”нә керүчеләр өчен аеруча мөһим, чөнки аларда чир катлаулануларга китерергә мөмкин. Бу категориягә түбәндәгеләр керә:
* 6 айдан зуррак балалар һәм яшүсмерләр
* Өлкән яшьтәге кешеләр
* Йөкле хатын-кызлар
* Хроник авырулары булган кешеләр (шикәр диабеты, йөрәк-кан тамырлары, сулыш органнары авырулары)
Шулай ук вакцинация сәламәтлек саклау, мәгариф өлкәсе хезмәткәрләренә һәм инфекция йоктыру куркынычы югары булган башка һөнәр ияләренә дә кирәк.
Гриппка каршы планлы вакцинация вакцинаны бер тапкыр кертүне күздә тота (беренче тапкыр прививка ясатучы кечкенә балалардан кала).
Вакцинация өчен иң яхшы вакыт – көз башы (сентябрь-октябрь). Бу прививкадан соң саклаучы антитәнчекләр эшләп чыгару өчен 2-4 атна вакыт кирәк булу белән бәйле. Соңрак ясалган иммунизация, мәсәлән, эпидемия вакытында, кирәкле саклануны бирмәскә мөмкин, чөнки иммунитет формалашырга өлгерми.
Нинди вакциналар бар? 2025-2026 еллар сезонына Бөтендөнья сәламәтлек саклау оешмасы грипп вирусларының түбәндәге штаммнарын үз эченә алган өч һәм дүрт валентлы вакциналарны кулланырга тәкъдим итә:

• A/Victoria/4897/2022 (H1N1)pdm09
• A/Croatia/10136RV/2023 (H3N2)
• B/Austria/1359417/2021 (линия B/Victoria)
• B/Phuket/3073/2013 (линия B/Yamagata)

Гриппка каршы вакцинация бары тик бер сезонга гына саклауны тәэмин итә. Грипп вируслары даими рәвештә мутацияләнә, һәм һәр сезон саен яңа штаммнар барлыкка килә. Шуңа күрә, актуаль вируслардан саклану өчен, ел саен прививка ясату мөһим.
Укол ясаган урынны юарга ярыймы? Вакцина мускулга кертелә, шуның белән бергә тире бераз гына зарарлана. Шуңа күрә дымлану бернинди дә күңелсез нәтиҗәләргә китермәячәк. Әмма бассейнда йөзүдән һәм мунчага барудан берничә көнгә тыелып тору яхшырак. Шулай ук укол ясаган урынны кашымаска һәм ышкымаска кирәк.
Фото: татар-информ