Баулыда “Ел укытучысы” бәйгесе узды

Бәйгечеләрне район башкарма комитеты җитәкчесенең социаль мәсьәләләр буенча урынбасары Илмира Хөснуллина сәламләде.
Бәйгечеләр мастер-класслар, ачык дәресләр үткәрделәр. Быел педагогик интервью этабы да өстәлгән.
– Бәйгечеләрне бәяләү бик кыен, чөнки алар барысы да үз эшенең осталары, – дип билгеләп үтте район мәгариф бүлеге җитәкчесе, жюри рәисе Дарина Ганиева.
“Ел укытучысы” номинациясендә – Фәнис Яруллин исемендәге Кызылъяр мәктәбенең башлангыч сыйныф укытучысы Лилия Хисамова, “Педагогик дебют” номинациясендә – 4нче гимназиянең инглиз теле укытучысы Гүзәлия Гайнетдинова, “Иң яхшы татар теле һәм әдәбияты укытучысы” номинациясендә – Исергәп мәктәбенең башлангыч сыйныф укытучысы Флюра Разетдинова җиңде Алар бәйгенең  зона этабында Баулы районы данын яклаячак.