Томбарлы авыл мәдәният йортында фольклор сәгате узды
Томбарлы авыл мәдәният йортында «Әбиемнең күңел сандыгы» дигән фольклор сәгате узды. Чара бик якты һәм истәлекле булды – аның катнашучылары «Миләүшә» балалар бакчасы тәрбияләнүчеләре булды.
Чарада балалар өчен күп кызыклы уеннар әзерләнгән иде. Алар татар халкының милли киемнәре турында мәгълүмат алды, аларның тарихы һәм символикасы белән танышты. Шулай ук балалар халык уеннарын уйнадылар.
Бу байтак белем һәм тәҗрибәне балаларга авыл мәдәният йортының «Хәтирә» фольклор төркеме әгъзасы Рәйсә Миннегулова тапшырды. Ул үз белеме һәм мавыктыргыч сөйләме белән балаларның игътибарын җәлеп итте.
Фольклор сәгате балаларга милли мәдәниятебезнең байлыгын танытуга ярдәм итте, милли гореф-гадәтләргә карата кызыксыну уятты. Чара уңай кичерешләр һәм истәлекләр калдырды!
Фото: Томбарлы авылының Мәдәният йорты
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев