Нәүруз бәйрәме Кызылъяр авылында зурлап узды

Нәүруз – борынгы тарихлы һәм мөһим мәгънәгә ия бәйрәм. Ул язгы тигезлек вакытына туры килә – яңа елның, табигатьнең уянуының символы. Бәйрәмнең тамыры көньяк Азия халыкларының борынгы йолаларына барып тоташа: ул яңа елга, бай уңышка ышануны чагылдыра.

Бәйрәм «Наз» балалар фольклор коллективы тарафыннан куелган «Карга боткасы» дигән театральләштерелгән җыр‑биюле тамаша белән ачылды. Аннан соң концерт программасы үткәрелде – сәхнәдә төрле күренешләр тәкъдим ителде.

Чарага килгән кунаклар да «Кулъяулыгым», «Йомырка‑кашык» һәм «Чүлмәк вату» кебек милли уеннарда актив катнаштылар.

Бәйрәмнең төп өлеше буларак, катнашучылар карга боткасын да авыз иттеләр. Карга боткасы – Нәүруз йолаларының бер өлеше, ул уңыш һәм байлыкны билгели.

Нәүруз бәйрәме – барлык халыкларга уртак байлык, борынгы гаделләрне, горурлыкны һәм киләчәккә өметне саклап калу бәйрәме. Ул безгә табигатьнең матурлыгын, тормышның яңа башлангычларын һәм бергәлекне искә төшерә.

Фото: Мәдәният йорты архивы