Баулылар дини ачык дәрескә җыелды

– “Бәхет ачкыч –  иман” дигән темага вәгазь сәгате үтте, – дип аңлатты Баулы районы имам-мөхтәсибе Әнвәр Хәмитов. – Адәм баласының тормышы, бәхете, мәңгелек дөнья бәхетенә ирешүе – кеше иманга килсә генә мөмкин. Ачык дәрес “Иман шартлары” дигән бик матур теманы колачлады. Бу дәрестә абыстайлар чарада катнашучылар өчен аңлаешлы, мәгълүматка бай чыгышлар ясап, иман шартлары темасын ачып бирделәр.

– Остазларыбыз, абыстайларыбыз үз гыйлемнәре аша безнең дә дини белемнәребезне арттырдылар. “Иман кәлимәләре” дигән дәресләрне йотлыгып тыңладык, – дип сөйләде ветеран укытучы, “Ак калфак” татар хатын-кызларының җирле оешмасы әгъзасы Әнисә апа Биктимерова. – Белем эстәү, белем алу беркайчан да соң түгел. Мин мондый дәресләргә ашкынып киләм, нәтиҗә күреп сөенеп кайтам.