Баулыда урып-җыю чәчү белән бергә бара

Баулы районы авыл хуҗалыгы һәм азык-төлек идарәсе начальнигы Альберт Талипов хәбәр иткәнчә, 9 сентябрьгә булган мәгълүматы буенча, бөртекле культуралар 15288 гектарда суктырылган, бу гомуми планның 71 процентын тәшкил итә. Көзге арыш – 1215 гектарда (100%), көзге бодай – 4395 гектарда (100%), арпа – 4050 гектарда (71,7%), солы – 1111 гектарда (57,5%), сабан бодае – 4242 гектарда (59,1%).

Сентябрь – аграрийлар өчен икеләтә йөкләнешле ае – Игенчеләр параллель рәвештә көзге культуралар чәчү белән дә мәшгульәләр. Бу эш 3725 гектар мәйданда башкарылган, бу гомуми планның 67,2 процентын тәшкил итә, шул исәптән көзге бодай – 2665 гектарда, көзге арыш – 1060 гектарда чәчелгән.

Фото: Булат Минһаҗев