Салкын тиюләр чоры башланса – киви ярдәмгә килә

Фәнни тикшеренүләр дә раслый: киви тамак авыртканда, ютәл булганда, сулыш юллары авырсытканда файда бирә. Шуңа күрә салкыннар башланганда атна буе көненә 1–2 киви ашап тору киңәш ителә.

Каты ютәл булганда:
Берничә кисәк кивига бер кашык бал һәм бераз төелгән әнис яки корица кушып, йоклар алдыннан ашап карагыз.

Югары температура, тамак авырту, ютәл булганда:
Киви согын бераз бал һәм төелгән әнис белән кушып, акрын утта җиңелчә генә җылытып алыгыз. Әзер сиропны көненә 5–6 тапкыр 1 чәй кашыгы күләмендә кулланырга мөмкин.

Иммунитеты түбән булганнар өчен дә киви – табигый ярдәмче. 2 кивидан сыгылган сок җитә, әчелекне бетерү өчен аны кишер яки алма согы белән бутап эчәргә була.

Әмма шуны да онытмагыз:
– 5 яшькә кадәрге балаларга киви бирү киңәш ителми.
– Аллергиясе булган, ашказаны һәм эчәк авырулары белән интегүчеләргә дә аны куллану ярамаган булырга мөмкин.

Фото Шедеврум нейрочелтәре тарафыннан барлыкка китерелгән