Кадерлебез Рәшит Галимҗановны юбилее белән котлыйбыз

Кадерле тормыш иптәшем, әтиебез, бабабыз Рәшит Мөҗәһит улы ГАЛИМҖАНОВның 9 февральдә зур юбилее булды. Сине чын күңелебездән 70 яшең белән котлыйбыз!

Гомер бәйрәмең уңаеннан сиңа ныклы сәламәтлек, бәхетле озын гомер, кәеф көрлеге, күңел күтәренкелеге телибез!

Кешелекле, мәрхәмәтле булуың белән син безнең тормышыбызга ямь өстисең!

Сөекле әтиебез, кайгыртучан булганың өчен, без, балаларың, зур рәхмәт белдерәбез. Таләпчән, көчле холыклы булуың хәзерге җиңел булмаган заманда югалып калмаска өйрәтә.

Без синең йөзеңә кызыллык китермәскә тырышабыз. Тагын бер кат бәйрәмең белән! Без барыбыз да сине бик яратабыз һәм хөрмәт итәбез.

Иң изге теләкләр белән тормыш иптәшең, балаларың, оныкларың