Баулының үзешчән артистлары музыкаль бүләк белән Кырымсарай авылының картлар һәм инвалидлар интернат-йортында да булды. Алар анда яшәүчеләр өчен зур бәйрәм концерты оештырды. Ә бу йортта артистларны, кунакларны һәрвакыт түземсезлек белән көтеп алалар.
Бәйрәм программасында республиканың атказанган мәдәният хезмәткәре Наталья Зарипова җитәкләгән “Тарават” халык җыр ансамбле, район мәдәният йорты һәм мәдәният йортының иҗат төркеме катнашты.
Өлкәннәр өчен халык җырлары да, заманча җырлар да яңгырады. Үзенчәлекле тамашачы музыка инструментлары чыгышларын аеруча җылы хисләр белән кабул итте.
Мондый концертлар өлкән буын кешеләренә күңелсезләнергә урын калдырмый, буыннар арасындагы элемтәләрне ныгыта, – дип сөйләде концерт программасын алып баручы район мәдәният йортының халык ялын оештыру бүлеге мөдире Елена Иргалиева.
Нет комментариев