Бүген Баулының агропаркында Өлкәннәр көненә багышланган авыл хуҗалыгы бәйрәм ярминкәсе оештырылды. Товарлар сатып алу белән
беррәттән, концерт карап ял итәргә, бушлай оештырылган табында рәхәтләнеп чәйләп алырга да мөмкинлек бар иде.
Татарстанда нефть чыгара башлауга 75 ел тулуга багышлап, Баулының “Иволга” шифаханәсендә ветеран-нефтьчеләр арасында районара бильярд турниры үткәрелде.
Быел көздән район кырларында 8 мең гектардан артык мәйданнарда көзге бөртекле культуралар чәчәргә ниятлиләр. Бу сан гомуми мәйданның 30 процентын тәшкил итә.
Шәһәрнең күп фатирлы йорт ишегалларының барысында да балалар өчен уен яки спорт мәданчыклары бар. Район буенча – 87. Соңгы елларда байтак кына яңа мәйданчыклар куелды. Шулай ук искеләре яңартылды яки өстәмә яңа уен элементлары белән тулыландырылды.
