Тәрбиячеләр көнендә Түбән Камада балалар бакчасы хезмәткәре фаҗигале төстә үлгән

Бу турыда НТР каналы хәбәр иткән. Телеканал хәбәрчеләре ачыклаганча, һәлак булган 42 яшьлек хатын 57нче номерлы балалар бакчасында эшләгән. Аның баласы ятим калган.

“20 микрорайон” тукталышында трамвай көтеп басып торган хатын фаҗига шаһиты булган. Аның сүзләренчә, бу хәл кичке бишләр тирәсендә булган. Трамвай тукталышка килгән, тик тукталмаган. Хәрәкәтен дәвам иткән трамвай юл аша чыгып бара торган хатынны таптаган. Хатын егылган, вагон астында калган. Трамвай аны тагын берничә метр сөйрәп алып барган. Имгәнгән хатын урында ук һәлак булган.

Урынга тиз арада коткаручылар килгән. Тик алар ярдәм итәргә өлгермәгән. «Ашыгыч ярдәм» табиблары кешенең үлемен раслаган. Фаҗигадән соң, трамвайлар йөрешен туктатып торганнар.

Әлеге трамвай белән “Горэлектротранспорт” оешмасында өч ел эшләгән ир-ат идарә иткән. Бу турыда телеканалга үз чыганаклары хәбәр иткән.

Фото: ntr-24.ru

Бу хакта тулырак: https://intertat.tatar/hewef_heter/tatarstanda-vagon-astynda-kalgan-khatynny-tramvay-bernich-metr-s-yr-p-alyp-bargan/