Танылган артист Дмитрий Жулин авариядә һәлак булган

Театр һәм кино актеры Дмитрий Жулин коточкыч авариядә һәлак булган.

Авария 21 сентябрьдә Владимир — Гусь Хрустальный — Тума трассасының 61нче километрында була. Актер Renault Duster машинасында бара.

Якынча белешмә буенча, ул шәһәр яны маршруты буенча бара торган ПАЗ автобусына юл бирми. Шуннан соң бу ике машина бәрелешә. Актер урында ук үлә. Аның белән бергә бара торган хатын-кыз имгәнә. Автобуста беркем дә зыяны күрми.

Дмитрий Жулин Щепкин исемендәге югары театр училищесын 1999 елда тәмамлый. 1997-2005 елларда Кече театрда эшли. 

«Александровский сад», «Александровский сад-2», «Маршрут», «Три дня в Одессе», «Охота на Берию» фильмнары аша таныш. «Охота на Берию» проектында төшкәннән соң, 2009 елда Жулин монастырьга китә. 2014 елда кабат профессиягә кайта. Аннары «Ботаны», «Родное сердце» сериалларында төшә.

Фото: yandex.ru

Чыганак: https://intertat.tatar/news/incident/22-09-2020/tanylgan-artist-dmitriy-zhulin-avariyad-lak-bulgan-5773379