Бавлы-информ
  • Рус Тат
  • Россиядә октябрьнең икенче декадасы аномаль җылы булачак

    Климатик норма илнең бөтен территориясендә югары булыр дип көтелә.

    Россиянең бөтен территориясендә октябрьнең икенче декадасы аномаль җылы булачак. РФ Гидрометеоүзәгенең фәнни җитәкчесе Роман Вильфанд шулай дип белдерде.

    «Илебезнең бөтен территориясендә октябрьнең икенче декадасы җылы булачак. Бу аномалияләр бөтен җирдә дә уңай дигән сүз», – дип ачыклык кертте Вильфанд.

    Шул ук вакытта, синоптик илнең төрле өлешләрендә климатик нормалар бер-берсеннән аерылып торуын искәртте. Шунлыктан аномаль җылылык та төрлечә булачак.

    Ул Якутиянең төньягын мисал итеп китерде, анда хәзер көндезге температура нульдән югары. Бу елның әлеге вакытында бик сирәк була торган күренеш, диде метеоролог.

    «Татар-информ» агентлыгы алдагы көннәрдә төбәктә тәүлеклек уртача температура күпьеллык күрсәткечләрдән 5-7 градуска югарырак булачагы хакында хәбәр иткән иде.

    Фото: pixabay.com

    Чыганак: https://tatar-inform.tatar/news/ecology/12-10-2020/rossiyad-oktyabrne-ikenche-dekadasy-anomal-yly-bulachak-5778034

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: