Баулылы машинасыз калган

Баулы районы суд приставлары-башкаручылар, банкка залог итеп куелган милекне кайтарып, башкарма документ таләпләренең чынлыкта үтәлүен тәэмин иткәннәр.

2025 елның маенда җирле кешегә карата башкарма производство кузгатылган булган. Моңа нигез – кредит килешүе буенча бурыч, аны тәэмин итү өчен, бурычлы банкка үзенең автомобилен залогка биргән булган. Әмма бурычлы озак вакыт суд приставлары белән элемтәдән читләшкән.

Бурычлы кеше яши торган җиргә берничә тапкыр баруларына карамастан, аны таба алмаганнар. Суд приставлары, үз сүзләрендә нык торып һәм оперативлык күрсәтеп, бурычлының кызы аша элемтә урнаштырганнар, аның актуаль кәрәзле телефон номерын алганнар.

2025 елның июнь башында приставлар банкка залог итеп салынган автомобильне өч көн эчендә бирү турында рәсми таләп куйганнар. Бурычлы кеше күрсәтмәне билгеләнгән вакытта үтәгән, транспорт чарасын банк вәкилләренә сату өчен тапшырган.

Башкарма документ таләпләренең фактта үтәлүенә (залог предметын тапшыруга) бәйле рәвештә, банк суд приставларының Баулы район бүлегенә башкару эшен тәмамлау турында гариза биргән.