Бүген — Бөтендөнья сәламәтлек көне

“Колокольчик” балалар бакчасы коллективы “Көнең ничек башланса, шулай үтә” дигән девиз белән яши һәм көн дә иртәнге сәгать җиденче яртыда, спорт киемнәрен киеп, спорт залына җыела.

Мәктәпкәчә учреждение хезмәткәрләре әйтүенчә, иртән күнегүләр ясау –  көн буена җитәрлек күңел күтәренкелеге алу өчен менә дигән чара.

– Коллектив белән күнегүләр ясап, без сәламәтлегебезне кайгыртып кына калмыйбыз, бер-беребез белән уңай хисләр дә алмашабыз, – ди  “Колокольчик” балалар бакчасы мөдире Зилә Китапова.

Әлеге мәктәпкәчә учреждениенең сәламәтләндерү акциясе шәһәр һәм районның башка оешмаларына да үрнәк булыр, дип уйлыйбыз. Чөнки дәвалануга караганда, сәламәтлекне алдан кайгырту мөһимрәк.

Фотоhttps://www.instagram.com/p/Bvx-hKIDfoa/?utm_source=ig_share_sheet&igshid=1irf7ffnapum7