Татарстанга 20 градуслы салкыннар якынлаша

Декабрь башы Татарстанда климат нормасыннан салкынрак дип фаразлана. КФУның метеорология, климатология һәм атмосфера экологиясе кафедрасы доценты Тимур Әүхәдиев «Челнинские известия»гә сөйләгәнчә, республика ике өлешкә бүленгән: төньяк өлеше тискәре аномалияле зонада, ә көньяк өлеше нормаль температуралы зонада. Казан һәм Чаллы уртада урнашкан.

Гомумән, озак вакытлы фараз буенча декабрьдә Татарстанда һава температурасы нормадан түбәнрәк булачак. 

Шимбә көнне көндез һәм төнлә -6 градуска кадәр көтелә, якшәмбе көнне -11 градуска кадәр суыта. 6 һәм 7 декабрьдә, чәршәмбе һәм пәнҗешәмбе көннәрендә, озак вакытлы фараз буенча, -20 градуска кадәр салкыннар көтелә.
Чыганак

Фото: татар-информ