9 сентябрьгә сынамышлар

Иртәгә миләш агачын хөрмәт итү хәерле. Җимешләрне җыйганда, бер өлешен кошларга кышка калдырырга онытмагыз.
Бу көнне борынгылар миләштән чәй ясаганнар, аннан кайнатма әзерләгәннәр, кышка запас туплаганнар.
Миләшнең мул уңышы каты салкыннар вәгъдә итә дип саналган.

9 сентябрьдә нәрсә эшләргә ярамый
Бу көнне өйдә тәртипсезлек калдырырга, өйне чүпләргә, әйберләрне таратырга ярамый — аңлашылмаучанлыклар башланачак. Уңыш һәм иминлек булсын өчен, йортны чиста һәм тәртиптә тоту мөһим.
Миләшне кисәргә, аның янында сүгенергә ярамый.
Иртәгә бурычка акча бирмәгез. Югыйсә, кыенлыклар килеп чыгарга, акчаны гына түгел, яхшы дустыгызны да, файдалы танышларыгызны да югалтырга мөмкин.
9 сентябрьдә бусагада озак басып торырга ярамый икән.
Мәхәббәт мәсьәләләре, хисләрне ачу, яучылау, романтик очрашу өчен начар көн.
Бу көнне эре сатып алулар ясаудан тыелыгыз — ялгышу ихтималы зур.
Юл чатында яткан теләсә нинди әйберне күтәрергә дә ярамый икән.

9 сентябрьнең кызыклы бер йоласы бар — бу көнне икегә аерылган миләш агачы эзләгез. Авырудан котылырга теләгән кеше аның аша үтәргә тиеш.
Тышкы ишек өстенә миләш тәлгәшләре элеп куйсагыз, явыз көчләр йортыгызга керә алмас, ә күз тиюче кеше бөтен начарлыгын бусагада калдырачак, дип санала.
Миләшне элек явызлыктан бик көчле саклаучы дип санаганнар, шуңа күрә аны еш кына өй янына утыртканнар.

Һава торышына халык сынамышлары
Торналар югары һәм акрын очса — җылы һәм коры көзгә.
Күк күкрәү — соң кышка һәм әбиләр чуагының якынлашып килүенә.
Чикләвекләр күп — кыш кырыс булачак.
Миләш яфраклары саргайган — җылы көзгә һәм салкын кышка.
Балык тоту өчен көн уңай — күп балык тотарга мөмкин.

Фото: татар-информ