4 декабрьгә сынамышлар

Гаиләдә тынычлык һәм гармония булсын өчен 4 декабрьдә борынгылар балык ашарга тырышкан. Ә гаиләдә муллык булсын өчен бу көнне бераз камыр ашы әзерләгәннәр.

Бүген кер юу, өй җыештыру кебек эшләргә тотынмаска кирәк икән. Шулай ук зур физик көч таләп итүче эшләрне дә кичектереп торырга була. Ә өй иясе канәгать булсын өчен шкаф эчләрендә тәртип урнаштырып кую яхшы.

4 декабрьдә бурычка бирергә ярамый икән, акчаларыгыз тиз генә кайтмас. Бурычка алган кеше белән җитди сүзгә килешү дә килеп чыгарга мөмкин икән. Финанс проблемалары булдырмас өчен бүген кич пешкән бер йомырка ашап куярга киңәш итәләр.

Бүген йорт хайваннарын тиргәмәгез, кычкырмагыз. Аларга карата ягымлы һәм хәстәрлекле булсагыз, кышыгыз тыныч, имин үтәр.

Җен-пәриләр турында бүген телгә дә алмагыз. Бу хакта сөйләшүләр борчылу һәм фәкыйрьлек, эштә һәм мәхәббәттә уңышсызлыклар китерә икән.

4 декабрь сынамышлары:
Көн салкын һәм карлы булса, кыш та салкын һәм карлы булачак.
4 декабрьдәге салкын көн эссе җәйне фаразлый.
4 декабрьгә кадәр яуган эреп бетә, ә 4 декабрьдән соң яуганы инде тиз генә эремәскә тиеш, дип санала.
Көн болытлы булса, уңыш мул булачак.

Чыганак

Фото: татар-инофрм