27 апрельгә сынамышлар

Ир белән хатын бүген киемнәрен дә бер суда юмасын.

Бүген һич кенә дә ялагайланмагыз һәм алдашмагыз, үзегезгә зур күңелсезлекләр җәлеп итәрсез.

Шулай ук беркемгә дә вәгъдә бирмәгез! Аны үти алмаячаксыз, эшләр, планнар бозылачак.

Бүген бәхәсләшкән кешене дә күңелсезлекләр көтә. Кечкенә бәхәс тә зур талашуга әйләнеп, начар тәмамланырга мөмкин.

Ир белән хатынның киемнәре бүген бер суда юылмасын! Югыйсә, бу парны аерылышу көтә икән.

Бик кызыксыгагыз да, бүген ахирәтегезнең йөзеген киеп карамагыз. Аның гаилә иминлеген юк итәчәксез, үзегезнеке дә булмаячак.

Ишекне ачык калдырмагыз! Өегездән уңыш һәм бәхет чыгып китәргә мөмкин.

Бүген үз-үзенә чәчәкләр алган хатын-кыз беркайчан да кияүгә чыкмаячак, имеш.

Эштә хезмәттәшегезнең утыргычына утырмагыз, үзегезнең эш урынын югалтырга мөмкинсез.

Ашаганнан соң савыт-сабаны юмый калдырмагыз. Юылмаган савыт-саба аша бүген өйгә начарлык җәлеп ителә икән.

Баскычта хушлашмагыз! Планнар тормышка ашмаячак...

Фото:  pixabay.com

Чыганак